Raqamli texnologiyalar vazirligining yangi digital.uz rasmiy veb-sayti sinov tariqasida ishga tushirildi. Endilikda ushbu veb-sayt orqali Vazirlik faoliyati bilan tanishib borishingiz mumkin.
eye_icon
Ishonch telefonlari
11-99 Barcha raqamlar
img_icon
  • Yoshlar ijod saroyi”da “Bo‘sh ish o‘rinlari mehnat yarmarkasi” tashkil etildi
    05.02.2020

    Bugun Poytaxtimizdagi “Yoshlar ijod saroyi”da “Bo‘sh ish o‘rinlari mehnat yarmarkasi” tashkil etildi.

    Yarmarka Prezidentimiz tomonidan ilgari surilgan 5 ta muhim tashabbus ijrosi doirasida ishsiz va band bo‘lmagan xotin-qiz va yoshlar bandligini ta’minlash maqsadida o‘tkazildi.

    Mehnat yarmarkasida 452 ta korxona va tashkilot 2500 dan ortiq bo‘sh ish o‘rni bilan qatnashdi.

    Ushbu yarmarkada Axborot texnologiyalari va kommunikatsiyalarini rivojlantirish vazirligi tizimiga kiruvchi korxona va tashkilotlar “Bo‘sh ish o‘rinlari yarmarkasi”da jami 428 ta turli darajadagi bo‘sh ish o‘rinlari bilan ishtirok etdi.

    Yarmarkaga kelgan va axborot texnologiyalari yo‘nalishiga qiziqqan yoshlarga ish o‘rinlari, korxonalarda tashkil etilgan ish sharoitlari, ijtimoiy yordamlar va maoshlar haqida keng tushuntirishlar berildi.

    Mutaxassisligi va talablarga mos keluvchi 139 nafar nomzodlarni bo‘sh ish o‘rinlariga joylashish bo‘yicha tanlovlarda ishtirok etish uchun taklif etildi.

    Yarmarka natijasi bo‘yicha 15 nafar nomzod 2020 yil 5 fevraldan ishga joylashtirildi va yana 4 nafari bilan 2020 yil 10 fevraldan ishga joylashtirish bo‘yicha mehnat shartnomalari tuzilishi kelishib olindi.

    Ma’lumot uchun:
    Axborot texnologiyalari va kommunikatsiyalarini rivojlantirish vazirligi tizim korxonalarida mavjud 428 ta bo‘sh ish o‘rinlarining 333 tasi Vazirlikning Toshkent shahrida joylashgan 22 ta korxonalari tomonidan hamda 85 tasi Vazirlikning hududlarda (Respublikaning boshqa viloyatlari) joylashgan korxonalari tomonidan taqdim etildi.

    Manba: Axborot xizmati