“O‘zbektelekom” AK tomonidan ko‘rsatilayotgan xizmatlar hajmini va abonentlar sonini oshirish, Intеrnеtga ulanishni yanada yuqori tezlikda taqdim etishga yo‘naltirilgan bir qator loyihalarni amalga oshirmoqda.
Shu jumladan, 2019-yilning to‘rt oyi mobaynida quyidagi ishlar amalga oshirildi:
“O‘zbektelekom” AK Chaqiriqlarni qayta ishlash yagona markazi tomonidan ko‘rsatilayotgan xizmatlar sifatini yanada oshirish maqsadida, rеspublikaning barcha viloyatlaridan qo‘ng‘iroqlar “1084” va “1086” qisqa raqamlariga qayta yo‘naltirilib, qo‘ng‘iroqlarni qabul qilish tizimi markazlashtirildi. Bu mijozlar murojaatlariga xizmat ko‘rsatish sifatini sezilarli darajada oshiradi.
O‘zbekistonning barcha viloyatlarida hozirgi vaqtda abonеntlarni ulash uchun umumiy sig‘imi 146 944 portga ega GPON hamda 54 272 portli VDSL tеxnologiyasi qurilmalarni montaj va sozlash ishlari olib borilmoqda va joriy yilning 2-choragi yakuniga qadar to‘liq ishga tushirish rejalashtirilgan. Shuningdek, joriy yil 3-choragi yakuniga qadar qo‘shimcha 600 mingdan ortiq portga ega GPON qurilmalari yetkazish rejalashtirilgan.
Manba: Axborot xizmati