eye_icon
Ishonch telefonlari
11-99 Barcha raqamlar
img_icon
  • Sog‘liqni saqlash sohasini raqamlashtirishga alohida e’tibor qaratilmoqda
    09.06.2020

    O‘zbekistonda 2020 yil “Ilm, ma’rifat va raqamli iqtisodiyotni rivojlanish yili” deb e’lon qilingani ham bejiz emas". “Ilm, ma’rifat va raqamli iqtisodiyotni rivojlantirish yili” uchun qabul qilingan Davlat dasturi joriy yilda Prezident tomonidan qo‘yilgan bir qator yirik vazifa va loyihalarni amalga oshirish ham ko‘zda tutilgan.

    Shu yil 28 aprelda davlatimiz rahbarining “Raqamli iqtisodiyot va elektron hukumatni keng joriy etish chora-tadbirlari to‘g‘risida”gi qarori qabul qilingan edi. Qarorda belgilangan vazifalarni sifatli amalga oshirish uchun chora-tadbirlar belgilangan edi.

    Bugungi kunda ushbu qaror asosida barcha iqtisodiy va ijtimoiy sohalarga raqamli texnologiyalari keng joriy etilmoqda.

    “Elektron hukumat” dasturining kompleks rivojlanishi nafaqat aholi va davlat organlarining vaqt va pul sarflanishini kamaytirishga yordam beradi, eng muhimi, aholi uchun davlat xizmatlarning sifatini oshiradi va fuqarolarning turmush darajasini yaxshilaydi.

    Mazkur dasturning eng ustuvor yo‘nalishlaridan biri sog‘liqni saqlash sohasi deb hisoblanadi. Mamlakatimizda fuqarolarimizning sog‘ligini saqlash va respublikada sanitariya osoyishtaligini saqlash masalasi davlatimiz olib borayotgan siyosatida mazkur yo‘nalish muhim o‘rin tutadi.

    Mamlakatimizda kelgusi yillarda raqamlashtirish siyosatining ustuvor yo‘nalishlarini belgilaydigan asosiy hujjatlaridan biri “Raqamli iqtisodiyot va elektron hukumatni keng joriy etish chora-tadbirlari to‘g‘risida” Prezident qaroriga muvofiq 2020-2022 yil ichida sog‘liqni saqlash sohasida jami 12 ta loyihani amalga oshirilishi rejalashtirilgan.

    “Yagona elektron tibbiy karta” axborot tizimini joriy etilishi O‘zbekiston Respublikasi fuqarolari to‘g‘risida yagona tibbiy ma’lumotlar bazasini shakllantirishga, aholining salomatligi monitoringini o‘tkazishda  yordam beradi.

    “Elektron retsept” axborot tizimini joriy etishi esa bemorlarni medikamentoz vositalari bilan samarali va xavfsiz davolanishni tashkil etish va shifokorlarning elektron reyestrini shakllantirishga yo'naltirilgan loyiha. Bu esa, o‘z navbatida, tibbiy vositalarining nazorat qilish va monitoring olib borish tizimini takomillashtirishga ko‘mak beradi.

    Tibbiyot muassasalarida zamonaviy kompyuterlashtirilgan tizimini yaratish orqali tibbiyot xizmatlarining sifatini oshirish maqsadida “Elektron poliklinika” va “Elektron shifoxona” axborot tizimlarini joriy etish ko‘zda tutilgan.

    O‘z navbatida, tahlil, suratlar va boshqa natijalarning yagona elektron reyestrini shakllantirishga yo‘naltirilgan “Laboratoriya” axborot tizimi sog‘liqni saqlash sohasida ilmiy tadqiqot va izlanishlarni olib borish uchun ilmiy-amaliy bazaga aylanishi mumkin.

    Bundan tashqari, kelgusi ikki yilda sog‘liqni saqlash sohani yanada rivojlantirishga yo‘naltirilgan bir qator muhim loyihalarni amalga oshirilishi rejalashtirilgan.

    Majburiy tibbiy sug‘urta axborot tizimini ishlab chiqish va joriy etish elektron tizimi yaratiladi.

    Yuqoridan aytib o‘tilganidan ko‘rinib turibdiki, sog‘liqni saqlash sohasida raqamlashtirish masalalariga alohida e’tibor qaratilgan. Barcha loyihalar o‘ta yuqori dolzarblik va muhimligiga ega bo‘lib, ularning amalga tatbiq etishi fuqarolarimizning turmush darajasini yaxshilashga va sog‘liqni saqlash tizimini yanada takomillashtirishga zamin yaratadi.

    Manba: Axborot xizmati