Farg‘ona viloyati Furqat tumanida Axborot texnologiyalari va kommunikatsiyalarini rivojlantirish vazirligi va IT Park ko‘magida Raqamli texnologiyalari markazining ochilish marosimi bo‘lib o‘tdi.

Ochilish marosimida Axborot texnologiyalari va kommunikatsiyalarini rivojlantirish vazirligi Farg‘ona viloyati hududiy boshqarmasi, tizimdagi korxona va tashkilotlar, tuman hokimligining rahbar va xodimlari hamda mahalliy yoshlar ishtirok etishdi.

Mazkur markaz zamonaviy kompyuter jihozlar bilan ta’minlangan bo‘lib, kompyuterdan samarali foydalanish, dasturlash, veb dizayn, kompyuter grafikasi asoslari kabi ixtisoslashgan o‘quv kurslarni tashkil etish uchun mo‘ljallangan.