Andijon viloyati Buloqboshi tumanida O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, Buloqboshi tuman hokimligi va IT Park ko‘magida Raqamli texnologiyalar o‘quv markazining ochilish marosimi bo‘lib o‘tdi.

Ochilish marosimida O‘zbekiston Respublikasi Axborot Texnologiyalari va kommunikatsiyalarini rivojlantirish vaziriligi Andijon viloyati xududiy boshqarmasi boshlig‘i Ziyodulla Samatov va Buloqboshi tumani hokimi O‘tkirbek Mamurov hamda mahalliy yoshlar ishtirok etishdi.

Mazkur markaz zamonaviy kompyuter jihozlari bilan ta’minlangan bo‘lib, kompyuterdan samarali foydalanish, dasturlash, veb dizayn, kompyuter grafikasi, robototexnika asoslari kabi ixtisoslashgan o‘quv kurslari orqali tumanda axborot tehnologiyalariga qiziquvchi yoshlarning bilim va ko‘nikmalarini oshirishga, innovatsion texnologiyalarni ishlab chiqish hamda ularni ommaga keng tatbiq etishga qolaversa iqtidorli yoshlarni frilans sifatida ish faoliyatini boshlashga ko‘maklashishga mo‘ljallangan.