Mustaqilligimizning 30 yilligi munosabati bilan “Yangi O‘zbekiston yoshlari, birlashaylik!” shiori ostida Respublikamizning barcha viloyat va shaharlarida yoshlar oyligi tashkil etilmoqda.

Jumladan, Muhammad Al-Xorazmiy nomidagi Toshkent axborot texnologiyalari universiteti tomonidan Yunusobod tumanida yoshlar festivali oʻtkazildi.

Unda Muhammad Al-Xorazmiy nomidagi Toshkent axborot texnologiyalari universiteti rektori B. Mahkamov va mas’ul xodimlar, professor-o‘qituvchilar hamda yoshlar ishtirok etdi.

Festival doirasida velo-marafon, turli xil sport o‘yinlari  musobaqasi tashkil etildi va g‘oliblarga esdalik sovg’alari topshirildi.

“Yangi O‘zbekiston yoshlari, birlashaylik” tadbirini o‘tkazilishidan maqsad - yoshlarni jismonan sog‘lom, ma’naviy yetuk insonlar etib tarbiyalash, ilmiy va ijodiy salohiyatini ro‘yobga chiqarishga ko‘maklashish, ularning erkinliklari va qonuniy manfaatlarini samarali himoya qilish, ijtimoiy va iqtisodiy jarayonlarga jalb qilishdan iboratdir.