Navoiy viloyatining G‘azg‘on shahrida shinam va hamma shart-sharoitlarga ega navbatdagi Raqamli texnologiyalar o‘quv markazi ochildi.

Raqamli texnologiyalar o‘quv markazi ochilishida IT Park Navoiy filiali va G‘azg‘on shahri hokimligi rahbar va xodimlari ishtirok etib, kelajakda bu dargohda yetuk dasturchi-muhandislar yetishib chikishiga ishonch bildirdilar.

Ushbu o‘quv markaziga tashrif buyurgan yoshlar bu yerdagi shart-sharoitlar bilan tanishib, yaratilgan imkoniyatlardan unumli foydalanib, kelajakda yetuk dasturchi bo‘lib yetishish uchun harakat qilishlarini bildirishdi.

O‘quv markazida dasturlash tilining Web Dizayn, FrontEnd yo‘nalishlari bo‘yicha kurslar o‘qitilishi boshlanadi.