IT Park Sirdaryo viloyati filiali va Sirdaryo viloyati Xalq ta’limi boshqarmasi bilan hamkorlikda viloyatimizning barcha tuman va shaharlarida “Bir millilon dasturchi” loyihasi doirasida informatika fani o‘qituvchilari uchun o‘quv-seminarlari tashkil qilinmoqda. 

Hozirgi kunga qadar Boyovut, Xovos, Sayxunobod, Sirdaryo va Guliston tumanlarida hamda Shirin, Yangiyer va Guliston shaharlarida o‘quv-seminarlari o‘tkazilib, mazkur seminarlarda 459 nafar informatika fani o‘qituvchilari malaka va ko‘nikmalari oshirildi. 
O‘quv-seminarlarni tashkil qilishdan ko‘zlangan maqsad o‘quvchi yoshlarni ushbu loyihaga keng jalb qilish va kelajakda IT sohasidagi kadrlarni tayyorlashdan iboratdir.

Endilikda ushbu o‘quv -seminarlar kasb-hunar maktablari, kollejlar va texnikumlar hamda akademik litseylarda davom ettiriladi.