Bugun, 26-may kuni Axborot texnologiyalari va kommunikatsiyalarini rivojlantirish vaziri Sherzod Shermatov Janubiy Koreyaning Puchon universiteti rektori Xan Jong Sok bilan uchrashuv o‘tkazdi.

Uchrashuvda ta’lim, AKT sohasida amalga oshirilayotgan ishlar xususida atroflicha fikrlar almashildi.

Shuningdek, Toshkent shahridagi Puchon Universitet faoliyatini yanada kengaytirish va uni rivojlantirish, shu bilan bir qatorda, ushbu universitetning yangi axborot texnologiyalari fakultetini ochish masalalari muhakoma qilindi

Shu bilan birga, AKT vazirligi bilan hamkorlik qilgan holda ta’lim sifatini ta’minlash, korxona va tashkilotlar bilan universitet o‘rtasidagi sheriklik aloqalarini yangi bosqichga olib chiqish masalalariga alohida e’tibor qaratildi.

IT kadrlarni tayyorlashda koreyalik mutaxassislarni jalb etish, O‘zbekistonda IT autsorsing yo‘nalishini rivojlantirish masalalari ham ko‘rib chiqildi.