Sirdaryo viloyatida 16 yoshdan 35 yoshgacha boʻlgan ayollarni axborot va kommunikatsiya texnologiyalariga oʻrgatish, ularning amaliy koʻnikmalarini rivojlantirish va raqobatdosh IT-loyihalarni amalga oshirishda ayollarni bosqichma-bosqich oʻqitishga qaratilgan “Tumaris EDU” loyihasi ishtirokchilari taqdirlandi.
Ushbu loyiha doirasida viloyatda tashkil etilgan oʻquv kurslarini muvaffaqqiyatli tamomlagan 460 nafar xotin-qizlarga sertifikatlar topshirildi. Tadbirda IT Park viloyat filiali xodimlari hamda “Dasturiy mahsulotlar va axborot texnologiyalari texnologik parki direksiyasi” MCHJ vakillari ishtirok etdilar.