Elektron hukumat markaziga Singapur Respublikasining O‘zbekiston Respublikasidagi Favqulodda va Muxtor Elchisi (qarorgohi Singapurda) Zulkifli Baharudin tashrif buyurdi.
Martabali mehmon O‘zbekistonda Elektron hukumat tizimini rivojlantirish doirasida amalga oshirilayotgan loyihalar bilan qisqacha tanishtirildi. Elchi mamlakatimizda AKT sohasida erishilayotgan yutuqlarni ijobiy qayd etdi. Singapur tajribasidan kelib chiqib, axborot texnologiyalari va elektron hukumat ekotizimini yanada rivojlantirish bo‘yicha tavsiyalar berdi.
Suhbat chog‘ida ikki davlat tashkilotlari o‘rtasida elektron hukumat sohasida to‘g‘ridan-to‘g‘ri aloqalarni yo‘lga qo‘yish istiqbollari muhokama qilindi. Singapurning bu boradagi tajribasini o‘rganish bo‘yicha kelishuvga erishildi. Singapur ayni damda BMTning elektron hukumat reytingida dunyoda 11-o‘rinni egallab turibdi.
Uchrashuvda O‘zbekiston Respublikasining Singapur Respublikasidagi Favqulodda va Muxtor Elchisi Qahramon Shokirov ham ishtirok etdi.
Manba: Axborot xizmati
Ma’lumotdan foydalanish shartlari
100000, Toshkent Amir Temur shoh ko’chasi 4
Tel: (998 71) 238-41-59, faks (998 71) 239-87-82
E-mail: info@mitc.uz
E-xat: mitc@exat.uz
Sayt ishlab chiqilgan: 
